بحر الحياه // بقلمي

بحر الحياة مليان بغرقى الحياة ** وانا بدور على طوق للنجاة

لقيت واحد على الشط بيبصلى ويضحك ** عجبت منة ازاى وانا قدامة بغرق

صرخت فية الحقنى بموت ** بضحكة كبيرة قالى وانا هكون مبسوط

من الموقف قلبى طار وعقلى لف ودار ** وبقيت ادور جوة بير اسرار

على غلطة اكون عملتها وياة ** تخلية ميمدليش طوق النجاة

عمال ادور والف شمال ويمين ** الاقى قدامى بشر وبنى ادمين

الى ليا معاة والى عليا لية حجات ** بس مش لاقى الى هيفرح لما انضم للاموات

بصيت الية وسالتة طيب لية ** طب انتا مين ولية مش عاوز تشوفنى مع العايشين

كلامى لية فى وسط ضحكة خلانى حزين *** واقول لمين

وفجاءة لقيتة سكت ورسم على وشة ابتسامة ** حسيت انة هيكلمنى بكل امانة

قالى انا عمرك الماضى والى جاى *** وعاوزنى اسيبك بس تعيش ازاى

دة انتا من يوم ما اتخلقت ***وانتا فى بحور الهموم غرقان

دة انتا يا غلبان ** لو دورت فى حياتك على فرحة متلاقيش

وعاوزنى اسيبك تعيش *** تكمل حياتك جوة ويل وجراح

دة انا لو مكانك كنت اموت وارتاح ***واخلص بقى من العذاب والجراح

فى وسط كلامة لقتنى بطلت مع الموج اعافر ** ومع اقرب موجة فضلت انى اسافر

لدنيا مفيهاش عذاب والام *** ورفعت ايدى الية وقولت لية سلام

غمضت عينى وغرقت فى قلب الظلام ** وفجاءة لقتنى صحيت من الاحلام

عرفت انى مكتوبلى اعيش فى الام ** دعيت وقولت يارب يكون مجرد حلم من الاحلام

شككرا لك

شكرا

» غضب الزمان :: بقلمي
» اقلام الحياه
» عامل عبيط :: بقلمي
» مـن وحي الحـيـاة | علمتنى الحياه | شـاركـنـا تـجـربـتـك]